Þetta eru yndislegu leikkonurnar sem eru að leika í jólaleikritinu okkar. Þær skiptast á að leika. Algjörir snillingar.

Það var ákveðið að fara út að dansa í kvöld. Við fórum á Sjallan og hljómsveitin Buff var að spila. Var að koma heim og þegar ég var að ganga heim var ég að hugsa um allt sem væri að næturlífinu á Akureyri og hvað mætti betur fara. Og hef komist að þeirri niðurstöðu að það er bara ansi margt. Veit eiginlega ekki hvar ég á að byrja eða enda. En við dönsuðum í hring og svitnuðum saman og það var voða fjör. Þau eru örugglega ennþá í fullu fjöri með hinum unglingunum en ég ákvað að fara heim, lappir og sál þreytt. Setti hreint á rúmið, bar á mig krem og ætla að sofa eins lengi og ég get á morgun. Ummm....gott að vera í smá fríi. Á reyndar að mæta kl. 2 en samt frí.
Fékk mér pulsu á leiðinni heim og sá konu gráta á Hlöllabátum, ungan strák á bolnum æla og stelpu sem var að rífast við kærasta sinn sem var með rosa hiksta og valtur. Ummm....elska næturlífið.

Ef maður passar ekki í þröng há stígvél er gott að leggjast á gólfið og setja lappirnar upp þá passar maður í stígvélin (yfirleitt). Lærði þetta í sumar.
Síðan ef maður heldur að veturinn sé komin og fer að kaupa sér kuldaskó þá oft hættir veturinn við. Sem er bara gott í flestum tilfellum.
Ég fæ stóra heimsókn næstu helgi og hlakka til.
ask

Ég veit....ég er heimsins versti bloggari.
En ég hugsa oft um það þegar ég geng til eða frá vinnu hvað ég ætli nú að skrifa um og hvað ég ætli að segja frá þessu og hinu sem kom fyrir. En síðan er ég alltaf komin heim svo seint og þá er ég svo þreytt og bla bla. Hlýt bráðum að fá góðan tíma til að skrifa eitthvað skemmtilegt. En ég er búin að afhenda íbúðina mína. Hlakka til að fá heimsókn bráðum (loksins) frá nokkrum snillinga vinum mínum og er bara hress svona yfir höfuð. Ætla mér að byrja aftur í ræktinni bráðum. Takk fyrir alla hjálpina um daginn, ég á yndislega fjölskyldu og vini...mikið er ég lánsöm.
Góða nótt.
ask

Var að koma heim og klukkan er orðin eitt. Ég ætlaði að skrifa alveg fullt í kvöld en ég þarf að vinna allan daginn á morgun og sýna tvær sýningar þannig að það er best að ég fari að sofa. Hitti Kristján Frey (Fram félaginn minn) í smástund á kaffihúsi áðan og það var hressandi. Ég ætla að segja ykkur hvað á daga mína hefur drifið um helgina þegar ég fæ tíma.
kv. ask

Jæja...

...nú er lífið að færast aftur í fastar skorður. Frumsýningin búin og það gekk bara ljómandi vel hjá okkur. Fólk var ánægt og skemmti sér vel. Nú tekur bara við að sýna 6 sýningar á viku og svo var ég að byrja að æfa jólaleikritið. Ég fór á samlestur á miðvikudaginn og það er langt síðan að ég hef komist í jafn mikið jólaskap. Þetta er alveg fáranlega sætt og jólalegt leikrit. Ég er í fríi í dag til klukkan 18 og ætla að nýta daginn til þess að kúra upp í rúmi, borga reikninga, fylla út vinnuskýrslu og gera ekkert. Það er oft gott.
Á miðvikudagskvöldið tókum ég og Sindri smá skyndiákvörðun og fengum bílinn lánaðan hjá Denna og brunuðum á Laugar til þess að sjá leiksýninguna "Sá Ljóti" en það var smá hálka og við lögðum kannski pínu seint af stað en þegar við komum var búið að læsa og við misstum af sýningunni. Glatað. En við brunuðum bara aftur í bæinn á Karó og svo komu Viggi og co til okkar og við skemmtum okkur mjög vel. Við enduðum hérna heima í H100 í svaka dansi og matarpartý langt fram á nótt. Gott að sletta úr klaufunum á virkum degi...alltaf skemmtilegra.
En hér er veturinn komin og snjór yfir öllu. Nú bíð ég bara eftir að skíðasvæðið opnar og ætla fara vera fastagestur í brekkunum.
Ásta vinkona mín á afmæli í dag og óska henni til hamingju með það.
Annars líður tíminn hérna mjög hratt og mér finnst bara eins og jólin koma á morgun.

Frumsýningarvika

Jæja þá er loksins komið að því að ég er að fara yfir um. En það er nú bara eðlilegt held ég svona rétt fyrir sýningu.
Helgin var fín. Langt síðan að ég hef verið hérna um helgi. Við "ungu" leikararnir borðuðum saman á föstudagskvöldið og fengum okkur bjór. Það var mikið stuð á okkur og við töluðum og töluðum. Síðan fórum við að hitta Sunnu (sem vinnur í leikhúsinu og er fallegasta kona sem ég hef séð og það eru allir skotnir í henni, líka stelpur) á Kaffi Akureyri. Þar sýndum við hvað við erum klár að dansa. Síðan fórum við Jósa og fundum strákaborð til að setjast á og ég er ekki frá því að ég geti bara sagt hæ við nokkra akureyringa núna. Gott að kynnast einhverjum. Síðan æfðum við á laugardaginn. Eftir æfingu fékk ég smá moral og datt í "oj, ég er ömurlegasta leikkona í heiminum" gírinn. Ég og Sindri ákváðum að fara í bíó að horfa á spennumyndina Righteous Kill með Robert DeNiro og Al Pacino til þess að læra eitthvað. Það var mjög fínt alveg þangað til að Sindri hallaði sér að mér og sagðist vera búin að fatta plottið í myndinni og útskýrði það fyrir mér. Þetta var fyrir hlé og allt sem hann sagði reyndist svo rétt. Var ekki eins spennt eftir hlé...:) En annars verður vikan bara rugl. Erum að æfa á daginn og kvöldin alla næstu viku og síðan sýningin á laugardaginn. Tinna og Garðar ætla að koma og örugglega líka mútta og Jakob. Vona bara að við sláum í gegn með þessari sýningu. En hlakka mikið til að fá þau hingað þrátt fyrir að ég geti nú varla hitt þau mikið en eitthvað kannski. Svo byrja ég að æfa jólaleikritið í næstu viku. Úff já tíminn flýgur....bæjó frá Akureyri.
p.s enþá hefur engin kreppa eða vesen látið sjá sig hérna þannig að ég fylgist bara með fréttunum þegar ég kem heim á kvöldin.