Nokkrar myndir héðan og þaðan en samt allt á AK

Hérna erum við undir borði að spila og syngja.

Jósa og Lilja Guðrún
Viktor og Jósa
Ég og Jósa að reyna að vera "hot".



Sindri í vagninum í leið heim í bátinn.

Þetta er úr Hrísyjar-ferðinni okkar.



Þetta er hjól fyrir 4 og ég, Jósa og Þór fórum smá hring.

Gott að þessi helgi sé búin segi ég nú bara. Sýndum 3 sýningar í dag og svo var eitt jólaball í lokin. Krakkar eru svo mikið krútt. Endaði daginn á að fara í bíó með Sindra á jólamynd. Það er allt svo jólalegt allstaðar hérna að það er ekki fyndið og svo jólaböll og jólaleikrit. Ætli ég verði ekki komin með upp í kok þegar jólin koma loksins.

Hér á Akureyri er ég oftast kölluð Anna ekki Anna Svava, það truflaði mig fyrst en núna er ég búin að venjast því.
En svo er ég líka kölluð skofín af Sindra og litla pons af Guðmundi Ólafsyni. Ef einhver getur sagt mér hvernig skofín eða pons líta út þá væri ég alveg til í að þið mynduð segja mér það.

Það er komið á hreint að ég fer í jólafrí 21.des - 2. jan. Ég stefni á að borða mikið, lesa mikið og sofa mikið. Og á milli þess hitta ykkur. Og mikið hlakka ég til. Annars er lífið bara fjandi gott.

Ég var að koma inn, var á fundi upp í vinnu. Þegar ég var að fara opna hurðina þá kom maður gangandi til mín og sagði:

"Gistið þér hér?"
"Nei, ég á heima hérna!"
"Afsakaðu, en er þetta ekki gistiheimili? Eru þetta einkaíbúðir?"
"Já"
"Þér eruð ekki innfædd?"
"Nei"
"Afsakaðu, en hvað eruð þér gömul? Ekki eldri en 21 árs vænti ég?
"Jú, ég er 31 árs"
"Já, hérna ég er að vísu með vond gleraugu en ég hélt að ég væri að móðga yður með þessari spurningu, hélt að þér væruð átján ára gömul, mikið heldur þú þér vel" og horfði á rassinn á mér.
"Já, há!"
"Afsakaðu mig en ég er að leita af fólki"
"Þá ættir þú bara að fara upp á Karó"
"Nei, mér var úthýst þaðan eins og öðrum glæpamönnum sem þora að segja sannleikann í þessu þjóðfélagi"
"æi, jæja góða nótt"

Alltaf gaman að láta þéra sig og glápa á rassinn á sér svona á þriðjudagskvöldum.
Hérna er 12 stiga frost og ég geng um hokin með hor í nös. Hlakka til í Janúar þegar fer að kólna almennilega.

Já, fyrirgefðu Ásta mín. Ég er bara búin að vera dugleg að fara í ræktina og sofna þá aðeins fyrr. En nú kemur eitthvað fyrir þig að lesa. Í fyrsta lagi er brjálað veður hérna í dag. Í gærkvöldi þegar ég kom heim var engin snjór á götunum og bara þetta fína veður. Ég vaknaði svo í morgun og fór í opnu svörtu skóna mína og fékk sjokk. Það er bara snjór út um allt og alveg skítaveður. Ég var að koma heim núna og er komin upp í rúm að hlýja mér. Brrr! og oj bara. Helgin var æði. Rakel, Konni og Flóki komu í heimsókn og sáu báðar sýningarnar mínar. Flóki litli fór meira að segja aftur á seinni barnasýninguna líka alveg aleinn, algjör hetja. Eftir laugardagssýninguna skelltum við okkur á Græna Hattinn þar sem Baggalútur var að syngja og það var svo jólalegt og skemmtilegt. Við mættum snemma og náðum borði fremst. Mér finnst Baggalútur svo jólaleg hljómsveit!
Í vikunni er bara búið að vera nóg að gera, fór í Bandý á þriðjudagskvöldið og var í marki en fékk því miður á mig 11 mörk. Ég þarf nú að æfa mig aðeins betur í þessari íþrótt en ég gef þessu sjens bara búin að fara 2var sinnum. Í gærkvöldi fór ég út í Hrafnagil en þar á Sunna (sem vinnur í leikhúsinu) heima. Við borðuðum saman og horfðum á sjónvarpið, voða kósý. Ég held bara að stelpurnar á Karólínu séu farnar að spyrja um mig, hef ekki mætt alla vikuna.
En það gengur þvílíkt vel að æfa Falið Fylgi, góður mórall og gleði. Við erum meira að segja að fara renna öllu fyrir hlé í fyrramálið. Þetta er frábært leikrit, mikill húmor en líka sorg. Gaman að vinna með svona flott handrit. Annars er ég bara farin að hlakka svo mikið til að koma heim um jólin. Kannski þurfum við ekki einu sinni að koma til Ak milli jóla og nýárs ef við náum að vinna þá daga af okkur og þá verð ég heima í alveg 10 daga og þá verður gaman. Ætli ég komi ekki bara ca. 21 des held ég og þá get ég keypt jólagjafirnar í bænum og allt.
Vá, ég hef ekki frá neinu spennandi að segja, dagarnir eru allir frekar svipaðir og lítill frítími. Það er búið að jólaskreyta allt hérna og orðið voða jólalegt. Það er t.d. risa jólastjarna fyrir utan gluggann minn sem hangir hérna yfir aðalgötuna. Ég og Sunna ætlum að splæsa á okkur einkaþjálfara í desember. Okkur fannst það svo góð hugmynd í gær og ég fann þessa fínu konu sem ætlar að koma okkur að. Ég hef ekkert betra að gera við peningana mína...haha!
Endilega kommentið þið og segið mér frekar eitthvað slúður úr borginni.
Linda er komin til Reykjavíkur með Leu Dís litlu og ég get ekkert hitt hana sem er alveg glatað en svona er þetta bara. Jósa og Einar fara yfirleitt heim núna á virkum dögum eða eitthvað annað þar sem þau eru bara að vinna um helgar. Þannig að hópurinn er aðeins minni.
Jæja hafið það gott dúllurnar mínar.
Mættuð þið á borgarafundinn sem var í Háskólabíó? Ég sá hann bara í sjónvarpinu. Bara allt að gerast í Reykjavík!!
ask

Hér kemur liðið hans Sindra:

Sindri:

þjálfari: man ekki...
heilari: oprah
þýðandi:Ýr Bertelsdottir

Markmaður: Chuck Norris
vinstri bak: Helgi Seljan
hægri bak: Einar Örn
bakvörður: Gordon Ramsey
bakvörður: Shean Connery
vinstri kantur: Hemmi Gunn
hægri kantur: Dýri Hreiðarsson
miðjumaður: David Becham
miðjumaður: Ólafur Stefánsson
sóknarmaður: Heidi Klum
sóknarmaður: Donald Trumph

Helgin

Já, því miður leið helgin allt allt of hratt. Eva mætti til mín á föstudaginn um 2 leytið og var með mér í vinnunni. Hún náði að sjá rennsli á jólaleikritinu og bara vera með mér þangað til að ég fór að sýna Músagildruna. Það var skemmtilegt og skrýtið að hafa hana allt í einu þarna. Fannst eins og ég þurfti að sýna henni allt...eins og ég væri í úlöndum eða eitthvað! Síðan mætti restin á fyrsta bekk og ég sá þau bara þegar þau voru að klappa. Var mjög stressuð fyrir sýningu og spennt að hitta þau. Eftir sýningu fórum við í íbúðina sem Jón Þór og Gummi voru með í láni. Pizza og kjafta.
Á laugardaginn gerðum við þvílíkan morgunmat hérna í H-100, egg og beikon og kökur og tilheyrandi. Verst var að greyið Jón Þór og Gummi þurftu að fara í súpu beint á eftir og svo beint í pönnukökuboð...eru víst enþá saddir. Á laugardagskvöldið fóru þau að sjá Villa naglbít á tónleikum í höllinni og við mættum bara í partýið eftir tónleikana. Glatað að þurfa að missa af þeim. Laugardagskvöldið var tekið með með trompi og dansað fram á nótt. Oh svo gaman! :) Var alveg með í maganum þegar þau fóru svo á sunnudaginn. Svona eins og að fá pakka og síðan þurfa að skila honum. En eitt er víst, ég á bestu vini sem hægt er að óska sér eða ímynda sér. Og nú er bara næstum því mánuður í jólin. Þetta líður voða hratt.
Gummi fær rokkprik fyrir peysuna sem hann var í á laugardaginn.
Eva fær heiðursprik fyrir að endast lengi.
Ég fæ prik fyrir að koma með eina góða sögu.
Jón Þór fær 3 venjuleg prik fyrir tunguna á sér.
Ásta fær 1 prik fyrir að ná lengst á spjalli og 9 prik fyrir tækni og skemmtihæfileika.

Sindri spurði mig áðan þegar við vorum eitthvað að láta okkur leiðast hvort að ég vildi fara í strákaleik. Og ég sagði auðvitað já. Og þá átti ég að raða upp draumaliðinu mínu í fótbolta. Allt má....og hér er það:
þjálfari: Atli Helgason
nuddari: kínakarlinn á Skólavörðustíg
þýðandi: Gísli Rúnar (nokkur tungumál í gangi)

Markmaður: Hannes Halldórssón (því hann er bestur)
vinstri bak: Sindri Birgisson (getur farið á milli lappana á hinum og dregið að sér athygli)
hægri bak: Matthew McConery (bara fyrir mig)
bakvörður: Auðun Helgason (góður og vinnur vel með Hannesi)
bakvörður: Guðni Bergsson (kann svona gömul og góð trix)
vinstri kantur: Magnús Guðmundsson (getur farið í heljarstökk og þannig)
hægri kantur: Hannes (leikari) (bara góður)
miðjumaður: Dóra María Lárusdóttir (augljóst, kann að spila og ég þekki hana smá)
miðjumaður: Jón Páll Eyjólfsson (getur orðið alveg geðveikur)
sóknarmaður: Davíð Guðbrands (stelpur mæta á völlinn)
sóknarmaður: Ronaldo (sér um að spila fótboltann)

þetta var nú bara það fyrsta sem kom...er strax til í að fara kaupa nýja inn og skipta út. Sindri og Jón Gunnar gerðu líka lið. Ætla að spyrja þá í fyrramálið hvort að ég megi birta þau. Þá gætuð þið kannski sagt hvaða lið þið hélduð að myndi vinna og þannig.

Myndir úr partýinu eftir tónleikana. María Heba og Krissi komu líka á leikritið á laugardaginn. Það var æði að fá þau. Maður er alveg endurnærður!
Góða nótt

Jæja, fór í leikfimi í dag....stórmerkilegt alveg. Fáranlegt hvað það er erfitt að fara ef maður er ekki búin að fara í langan tíma. Skellti mér svo á james bond beint eftir það. Fínn dagur. En er bara að bíða eftir því að vinir mínir koma um helgina. Hlakka svo mikið til. :)
Þetta eru myndir frá því um helgina á leið á Buff ballið. Stigagangurinn heima.
Góða nótt og ég ætla í ræktina á morgun líka. Besta geðlyf í heimi....í minnsta kosti í mínu tilfelli.